జీవితంలో వివాహం అతి ముఖ్యమైనది. ఒక వ్యక్తి మరో వ్యక్తితో కలిసి కొత్త జీవితాన్ని ప్రారంభించే ముందు సాంప్రదాయ బద్ధంగా, దేవుళ్ల సమక్షంలో వివాహం జరుపుకుంటారు. కానీ నేటి కాలంలో కొందరు వివాహాన్ని ఘనంగా నిర్వహించుకుంటే.. మరికొందరు సింపుల్ గా దండలు మార్చుకుంటున్నారు. హిందూ మతానికి సంబంధించి 16 మత కర్మలలో వివాహం 13వది.. అయితే చాలా మందికి ప్రేమ పెళ్లి తెలుసు.. పెద్దలు కుదిర్చిన (అరేంజ్ మ్యారేజ్) తెలుసు. కానీ హిందూ శాస్త్రం ప్రకారం మొత్తం 8 రకాల వివాహాలు ఉన్నాయి. అవేంటంటే?
దైవ వివాహం: ఈ వివాహంలో దేవతకు సేవ చేయడానికి లేదా మతపరమైన విధులు నిర్వహించడానికి జరిపిస్తారు. వధువు తన సంబంధిత ఒక నిర్దిష్ట వరుడుని వివాహం చేసుకుంటుంది.
అర్ష వివాహం: కొన్ని శాస్త్రాలు, నియమాల ప్రకారం ఈ వివాహం జరుగుతుంది. ఇది రుషులు, మునులకు సంబంధించినది. ఈ వివాహంలో ఒక ముని తన వివాహం కోసం వధువు తండ్రికి ఆవులు, ఎద్దులను బహుమతిగా ఇచ్చి ఆయన కుమార్తెను వివాహం చేసుకుంటారు. ఇది వధువు విలువలు నిర్వహించడానికి కాకుండా మతపరమైన కారణాల కోసం నిర్వహిస్తారు.
బ్రాహ్మణ వివాహం: ఈ వివాహం సాధారణంగా హిందూ సాంప్రదాయ ప్రకారం నిర్వహిస్తారు. వధూవరులు ఇద్దరి అంగీకారంతో జరుగుతుంది. ఈ వివాహంలో వైదిక ఆచారాలు, నియమాలు పాటిస్తారు, వంశం, కులాలు, జాతకాలు, సరిచూసుకుంటారు. పసుపు రాసుకోవడం, పూజ చేయడం, శుభ శ్లోకాలు చెప్పడం, దండలు మార్చుకోవడం వంటి ఆచారాలు పాటిస్తారు.
ప్రజాపత్య వివాహం: ఈ వివాహంలో పెళ్లి తర్వాత గృహస్థ జీవితాన్ని గడపమని వధువు తండ్రి నూతన వధూవరులకు సూచిస్తాడు. మీ వివాహానికి ముందు ఒక ప్రత్యేక వేడుక జరుగుతుంది. యాజ్ఞవల్క్యుడు ప్రకారం మీ వివాహం నుంచి పుట్టిన పిల్లలు పవిత్రంగా భావిస్తారు.
అసుర వివాహం: ఈ రకమైన వివాహంలో వరుడు వధువును ఆమె బంధువుల నుంచి కొంచెం సంపదను ఇచ్చి కొనుగోలు చేస్తాడు. ఈ రకంలో వధువు యొక్క సమ్మతి ముఖ్యమైనది కాదు.
గాంధర్వ వివాహం: గాంధర్వ వివాహంలో ఒక యువకుడు, ఒక యువతి ఒకరిపై ఒకరు తమ ప్రేమను వ్యక్తం చేసుకుని ఆపై వారి తల్లిదండ్రులు సహకారంతో వివాహం చేసుకుంటారు. ప్రస్తుత కాలంలో ప్రేమ వివాహాన్ని గాంధర్వ వివాహం గా భావిస్తున్నారు.
రాక్షస వివాహం: ఈ రకమైన వివాహం వధువు ఇష్టానికి విరుద్ధంగా ఉంటుంది వరుడు వధువును బలవంతంగా అపహరించి వివాహం జరిపించుకుంటాడు. ఇది వివాహ యొక్క ఖండించదగ్గర రూపంగా ప్రకటించబడుతుంది.
పిశాచ వివాహం: ఈ వివాహంలో వరుడు మహిళను ఆమె అనుమతి లేకుండా మోసం ద్వారా లేదా ఆమెపై నేరం చేసిన తర్వాత అపస్మారక స్థితిలో వివాహం చేసుకుంటాడు.
