కొందరు చిన్న పిల్లలను చూస్తే చాలా ఆసక్తిగా ఉంటారు. వారు వయసుకు మించి తెలివితేటలు ఉంటాయి. ప్రపంచంలో జరిగే విషయాలు చెబుతూ ఉంటారు. ఒక్కసారి ఏదైనా విషయం చెబితే వెంటనే పట్టేసుకుంటారు. మరికొందరు మాత్రం లేజీగా ఉంటారు. ఏ పని చెప్పినా పట్టించుకోరు. అలాంటి వారిని చూసి తల్లిదండ్రు చాలా కోప్పడుతారు. వారిని నిందిస్తూ వారితే తప్పన్నట్లు ప్రవర్తిస్తారు. కానీ తెలివైన పిల్లలుగా మారాలంటే ఇలా చేయాలి..
- పిల్లలకు కనీసం 5 ఏళ్ల వయసు పైబడిన తరువాత బయటకు తీసుకెళ్తూ ఉండాలి. సమాజంలో జరిగే పరిస్థితులను వారికి అర్థమయ్యే విధంగా వివరంచాలి. అనేక విషయాలపై స్వతంత్రంగా ఆలోచించే విధంగా స్వేచ్ఛను ఇవ్వాలి. సామాజిక కార్యక్రమాల్లో పాల్గొనే విధంగా చూడాలి.
- నేటి కాలంలో పిల్లలు ఎక్కువ శాతం మొబైల్స్ చూస్తున్నారు. అవి కాకుండా వారికి మంచి పుస్తకాలు కొనివ్వండి. చదవడం ఇష్టం లేకపోతే డ్రాయింగ్ కోసం సదుపాయాలు కల్పించాలి. వీలైతే న్యూస్ పేపర్ చదివేలా అలవాటు చేయాలి.
- పిల్లల్లో చాలా మంది ఉదయం లేవడానికి ఇష్టపడరు. ఇదిలాగే కొనసాగితే వారిలో బద్ధకం ఏర్పడుతుంది. అలా కాకుండా వారికి ఉదయం 5 నుంచి 6 గంటల లోపు మాత్రమే నిద్ర లేపాలి. ఈ సమయంలో వారు లేచి కొద్దిపాటి వ్యాయామం చేసినా వారిలో ఉత్సాహం ఉంటుంది. శారీరకంగా యాక్టివ్ గా ఉండడం వల్ల మనసు ప్రశాంతంగా మారుతుంది.
- కొత్త విషయాలు తెలుసుకోవాలని చాలా మంది పిల్లలకు ఆసక్తి ఉంటుంది. తల్లిదండ్రులు కాస్త ఓపిక తెచ్చుకొని వారు అడిగిన సందేహాలను తీర్చే విధంగా చూడాలి. లేకుండా వారు కొత్త విషయాలను తెలుసుకునేందుకు ఆసక్తి చూపించరు..
- పిల్లలు యాక్టివ్ గా ఉండాలంటే వారికి సరైన ఆహారం అందించాలి. విటమిన్లు, యాంటీ యాక్సిడెంట్లు, ఖనిజాలు ఉండే పదార్థాలను తినిపిస్తూ ఉండాలి. పాలు, గుడ్లు తప్పనిసరిగా ప్రతిరోజూ ఇవ్వాలి.
