మన జీవితం బాగుండాలని ప్రతిరోజూ దేవుళ్లను కోరుకుంటాం. కొన్ని ప్రత్యేక రోజుల్లో వ్రతాలు,నోములు నిర్వహిస్తూ ఉంటాం. ఈ పూజల వల్ల వ్యక్తిగతంగా దేవుడి ఆశీస్సులు తప్పకుండా ఉంటాయి. కానీ కుటుంబం విషయానికొచ్చేసరికి కులదైవానికి పూజలు చేసిన తరువాతే మిగతా దేవుళ్లను పూజించాలని అంటుంటారు. కుల దైవం అనగా ఒక కుటుంబ పురాతన కాలం నుంచి ఒక దేవుడిని ఎంచుకొని పూజలు చేయడం. ఆ దేవుడికిపూజలు చేయడం ద్వారా తమ కుటుంబం అభివృద్ధి చెందిందని భావిస్తే.. ఆ దేవుడికే పూజలు చేయాలని వారసులకు చెబుతూ ఉంటారు. అయితే నేటి కాలం వారికి తమ కుల దైవం ఎవరో తెలియదు. మరి కుల దైవాన్ని తెలుసుకోవడం ఎలా?
భారతీయ ఆధ్యాత్మిక సంప్రదాయంలో ప్రతి వంశం, ప్రతి కుటుంబానికి ఒక ప్రత్యేకమైన రక్షక దేవత లేదా దేవుడు ఉంటాడు. దీనినే కులదైవం అంటారు. కులదైవం అనేది కేవలం ఓ దేవత మాత్రమే కాదు… అది మన వంశానికి సంబంధించిన శక్తిశాలి రక్షణ చక్రం. క్రమం తప్పకుండా కులదైవాన్ని పూజించడం వల్ల కుటుంబానికి ఆనందం, ఆరోగ్యం, ఐశ్వర్యం కలుగుతాయని విశ్వాసం. వంశంలో ఎదురయ్యే అనారోగ్యం, అడ్డంకులు, కలహాలు తొలగుతాయని భావనం. కర్మబంధనాలు సడలడం, మన పూర్వీకులతో ఆధ్యాత్మిక అనుబంధం ఏర్పడటం. కుటుంబానికి మంచి జరుగాలంటే ముందుగా కులదైవాన్ని సంతృప్తిపరచడం అవసరమని శాస్త్రాలు చెబుతాయి.అంటే కులదైవం అనేది ఒక వ్యక్తిగత దేవుడు కాదు… అది మన వంశానికి సంబంధించిన ఆధ్యాత్మిక పరిరక్షక శక్తి.
కులదైవాన్ని పక్కన పెట్టి ఇతర దేవుళ్లను పూజిస్తే?
కుల దైవాన్ని కాదని ఇతర దేవతలను పూజించడం నిషిద్ధం కాదు. కానీ కులదైవాన్ని పూజించకపోతే.. వంశానికి సంబంధించిన శక్తి అనుసంధానం తగ్గుతుందని చెబుతారు. వ్యక్తిగతంగా ఎంత పూజలు చేసినా, కుటుంబ అభివృద్ధిలో అడ్డంకులు ఏర్పడవచ్చని పూర్వీకులు పేర్కొన్నారు.కర్మ సంబంధమైన కొన్ని బాధలు తగ్గకపోవచ్చు.అంటే “మిగతా దేవతలను పూజించొద్దు” కాదు. కానీ ముందుగా కులదైవానికి ప్రాధాన్యత, ఆ తరువాత ఇతర దేవతలు అనే శాస్త్రపరమైన అభిప్రాయం.
తమ కులదైవాన్ని తెలుసుకోవడం ఎలా?
పూర్వీకులను అడగడం.. అమ్మమ్మ, తాతయ్య, పెద్దలు చెప్పిన వివరాలు శాశ్వతమైనవి. కుటుంబ వంశావళి పుస్తకాలు (గోత్ర–కుల వివరాలు) చూసుకోవడం ద్వారా కుల దైవాన్ని తెలుసుకోవచ్చు. అయితే ఈ వివరాలు కూడా దొరకని సమయంలో ఏదో ఒక దేవుడిని పూజిస్తే తమ కుల దైవం మార్గం చెబుతాడని కొందరు ఆధ్యాత్మిక పండితులు చెబుతున్నారు. ఇలా కుల దైవం గురించి తెలుసుకున్న తరువాత ముందుగా ఆ దైవానికి పూజలు చేయాలని అంటారు. అయితే చాలా మంది పూర్వీకులు సైతం ప్రత్యేకంగా కుల దైవం లేనప్పుడు గ్రామ దేవతనే తమకుల దైవంగా భావించి ముందుగా పూజలు చేసే ఏర్పాట్లు చేసుకుంటారు. ఉదాహరణకు ప్రతి గ్రామంలో గ్రామ దేవతకు మొక్కులు చేసిన తరువాత మిగతా కార్యక్రమాలు నిర్వహిస్తారు.
