విఘ్నాలను తొలగించే వినాయకుడి పండుగ రాబోతుంది. 2025 ఏడాది ఆగస్టు 27న వినాయక చవితి సందర్భంగా దేశంలో వాడవాడలా వినాయక విగ్రహాలను ఏర్పాటు చేయనున్నారు. ఈ సందర్భంగా పది రోజుల పాటు గణనాథుడు పూజలు అందుకోనున్నాడు. ప్రతీ రోజూ ప్రత్యేక పూజలు నిర్వహించి ఆ స్వామి ఆశీస్సులు పొందాలని అనుకుంటారు. అయితే వినాయక పూజలో 21 పత్రిలు వాడుతారని అందరికీ తెలిసిన విషయమే వీటిలో బిల్వ పత్రం, గరక వంటివి ప్రధానంగా ఉంటాయి. కానీ ఇందులో తులసి ఎక్కడా కనిపించదు. మరి వినాయక పూజలో తులసి లేకపోవడానికి కారణం ఏంటీ?
హిందువుల ఇళ్లల్లో దాదాపు తులసి చెట్టు తప్పకుండా ఉంటుంది. గుమ్మానికి ఎదురుగా దీనిని ఏర్పాటు చేసి ప్రతి రోజూ పూజలు చేసేవారు ఉన్నారు. కార్తీక మాసంలో తులసి కల్యాణం కూడా చేస్తారు. తులసి చెట్టు గంగా నదిలా పవిత్రమైనదని చెబుతూ ఉంటారు. ప్రతిరోజూ తులసికి నీరు పోసినా.. తాకినా.. మోక్షం లభిస్తుందని అంటారు. ఆయుర్వేద పరంగా కూడా తులసి మొక్క ఎన్నో ప్రయోజనాలను అందిస్తుంది. దగ్గు, జలుబు సమస్య పరిష్కారానికి తులసి ఆకులు ఎంతో మేలు చేస్తాయని అంటారు.
అయితే వినాయక పూజలో 21 రకాల పత్రాలను వాడుతారు. ఇవి ఎంతో ఆరోగ్యాన్ని.. మోక్షాన్ని ప్రసాదిస్తాయి. కానీ తులసి మాత్రం కనిపించదు. అందుకు పురాణాల్లో ఒక స్టోరీ ఉంది. ఒకసారి వినాయకుడు తపస్సులో ఉండగా అటు వైపుగా వచ్చిన ధర్మధ్వజుడి కూతురు తులసి దేవి తనను పెళ్లి చేసుకోవాలని కోరుతుంది. కానీ గణపతి స్వభావం ప్రకారం బ్రహ్మచారి. తాను బ్రహ్మచారిగానే ఉండిపోతానని, తెలపుతూ తులసి దేవి అభ్యర్థనను తిరస్కస్తాడు. దీంతో తులసి దేవి కోపంతో గణపతిని శపిస్తుంది. దీర్ఘకాలంగా నువ్వు బ్రహ్మచారిగానే ఉండిపో.. అని అంటుంది. దీంతో కోపం తెచ్చుకున్న గణపతి సైతం తులసి దేవిని శపిస్తాడు. ‘నీవు ఒక రాక్షసుడికి బంధీగా ఉంటావు’.. అని అంటాడు. అయితే గణపతి దేవుడి శాపాన్ని తట్టుకోలేక వినాయకుడిని క్షమించమని కోరుతుంది. దీంతో విష్ణుమూర్తి అనుగ్రహం వల్ల తులసి వృక్షంగా మారుతావని చెబుతాడు. ఈ కారణంగా వినాయకుడి పూజలో తులసిని ఉపయోగించరు.
తులసి తప్ప మిగతా 21 రకాల పత్రాలు వినాయకుడి పూజలో ఉపయోగిస్తారు. అవేంటంటే?
బిల్వ పత్రం (మర్రి చెట్టు ఆకులు)
బ్రహ్మి
దాదాపత్రి (అరటి ఆకులు)
అశ్వత్థ పత్రి (రావి ఆకులు)
ధూర్వ పత్రి (గడ్డిపూలు)
జమీ పత్రి (జామ ఆకులు)
అర్క పత్రి (జిల్లేడు ఆకులు)
కరిర పత్రి (వేప ఆకులు)
మారుతి పత్రి (మర్రి ఆకులు)
మందార పత్రి (బోట్రి ఆకులు)
దధిమ పత్రి (కోడిపత్రి/చింతపత్రి)
పుటిక పత్రి (తుంగ పత్రి)
దళిమ పత్రి (దానిమ్మ ఆకులు)
చూత పత్రి (మామిడి ఆకులు)
శమీ పత్రి (జమ్మి ఆకులు)
కేతక పత్రి (తాళ పత్రి)
ద్రాక్ష పత్రి (ద్రాక్ష చెట్టు ఆకులు)
తులసి పత్రి కి బదులుగా దూర్వా గడ్డి(గరిక) ని వాడుతారని చెబుతారు.
ఇంద్రవల్లి పత్రి
గోక్షురక పత్రి (పాలకూర/గోక్షురం)
అపామార్గ పత్రి (ఉత్తరేణి ఆకులు)
