బాహుబలి తరువాత ప్రభాస్ పాన్ ఇండియా హీరో అయిపోయాడు. ఇప్పుడు రెబల్ స్టార్ అత్యంత ఖరీదైన హీరో అని కూడా చెప్పవచ్చు. ఆయన నటించిన లేటేస్ట్ మూవీ ‘కల్కి 2898AD’ జూన్ 27న విడుదలకు సిద్ధమవుతోంది. ఈ మూవీ కోసం రూ.600 కోట్లకు పైగా ఖర్చు చేసినట్లు వినిపిస్తోంది. దీంతో ఈ మూవీ కోసం ఇప్పటికే ‘బుజ్జి’ కారును రిలీజ్ చేసి ఫ్యాన్స్ లో హోప్ పెంచారు. ఈ తరుణంలో బాలీవుడ్ హీరోయిన్ శ్రద్ధ కపూర్ ప్రభాస్ పై చేసిన కామెంట్ ఆసక్తిని కలిగిస్తోంది. ఇంతకీ ఆమె ఏమి చెప్పిందంటే?
శ్రద్ధా కపూర్.. ప్రభాస్ తో కలిసి ఇప్పటికే ‘సాహో’ అనే సినిమాలో నటించింది. ఆ సమయంలో తెలుగులో ఆకట్టుకోకపోయినా బాలీవుడ్ లో ఈ మూవీకి మంచి వసూళ్లుదక్కాయి. దీంతో శ్రద్ధా కపూర్ కు తెలుగులో ఫ్యాన్స్ పెరిగిపోయారు. ముఖ్యంగా సాహో సినిమా తరువాత శ్రద్ధ కపూర్ అంటే ప్రభాస్ ఫ్యాన్స్ శ్రద్ధా కపూర్ సోషల్ మీడియాను ఫాలో అవుతున్నారు. ఈ సందర్భంగా ఓనెటిజన్ శ్రద్ధా కపూర్ ను ఓ ప్రశ్న అడిగాడు.
‘ప్రభాస్ తో మళ్లీ ఎప్పుడు నటిస్తారు?’ అని అడగగా.. ఈ ప్రశ్నకు శ్రద్ధ కపూర్ వెంటనే రిప్లయి ఇచ్చారు. ‘ప్రభాస్ ఇంటి నుంచి ఫుడ్ ఎప్పుడు వస్తుందో.. అప్పుడు ’ అని రిప్లై ఇచ్చింది. ఈ సమాధానంపై సినీ వర్గాల్లో ఆసక్తి చర్చ సాగుతోంది. అయితే సాహో సినిమాలో ప్రభాస్ తో నటించడం తన జీవితంలో మరిచిపోలేని విషయం అని శ్రద్ధా కపూర్ పరోక్షంగా సమాధానం ఇచ్చింది. దీనిన ప్రభాస్ ఫ్యాన్స్ వైరల్ చేస్తున్నారు.
